上岸料理 (已結業)

今日同女朋友去左尖沙咀食飯，大家都好鐘意食日本菜，特登上網搵左間日本料理店。門口滿滿日本風味，好似去左日本一樣。餐廳仲有做午市，lunch set價錢唔算太貴。一坐低就有前菜。牛舌爽嫩好入味，入口冰冰牛舌非常香口滋味，好開胃解熱的前菜。另外叫左5款刺身，有左口魚、燒紅金目鯛魚、深海池魚、燒紅衫魚和赤貝。刺身好爽嫩新鮮，魚生片片厚切，鮮甜清香，燒香的刺身，女朋友最鐘意。吞拿魚蓉多士。魚蓉非常豐富，魚香重魚味濃，加左沙律醬非常滋味，多士香脆咸香，配搭非常驚喜。