上岸料理 (已結業)

今日同男朋友食飯，地點選擇美食非常多既尖沙咀區，男朋友勁鐘意食日本菜，特登訂左一間K11旁的日本料理店。門口好有日本風味。時間尚早未有太多客人，7點左右已經滿座。前菜。牛舌非常入味，冰冰的牛舌入口爽嫩唔乾身，一解夏日郁悶。再叫數款刺身，左口魚、深海池魚、燒金目鯛、燒日本紅衫魚、赤貝。最欣賞燒香的金目鯛，入口焦香的味道帶出濃郁魚香，魚肉嫩甜，刺身新鮮質素高。吞拿魚蓉多士。清甜吞拿魚蓉伴多士，沙律醬增加香口味道，魚蓉香甜魚味重。中華冷麵。冷拉麵爽口彈牙，湯汁清清，配料非常多。