八喜小廚

營業中

休息中

唔係第一次幫襯之前一直都沒事，下午茶炒嘢收38包熱飲，因此食物質素不能要求太高。但最基本衞生都做唔到仲要串過啲咕喱佬就真係第一次見。本身間餐廳都奇怪，所有調味同筷子叉等工具都唔會放係度比你攞，要同啲食物一齊上，無所謂當你地環保。今日去食下午茶叫左個時菜排骨飯＋熱檸茶。先上檸茶但無主動比糖，然後再上個飯，點知張上菜紙一半放左係啲汁裏面，大佬呀張紙有紅色黑色又幾條友掂過點食？再者佢比埋個叉我黎食飯我都第一次見。然後同伙記講叫佢換，一分鐘後一個聲稱老闆嘅人兇神惡殺咁過黎問有乜問題？我講左個情況比佢聽佢竟然話：「我地不嬲都係咁操作，你唔好食囉！」。幾咁有型。已經投訴食環，我就睇佢操作得幾耐。依擋嘢貼埋錢冇可能再幫襯。