八番麵工房 Deluxe (已結業)

行開上水廣場順便喺嗰度食埋晚餐先返屋企，今次帶咗個二人套餐，有兩個前菜，兩個主食，兩個小食同飲品。豚雞鹽味雞肉野菜拉麵拉麵入面有成三大片雞肉，同半隻糖心蛋仲有有大量嘅芽菜同埋椰菜，不過湯底味道比較清淡，比較適合唔想食咁濃味既朋友仔。極黑叉燒拉麵湯底味道十分濃郁，叉燒肥瘦適中配料仲有半隻糖心蛋同埋筍絲，麵質爽滑彈牙。燒雞腿肉同芝麻雞翼呢兩款小食都非常有驚喜，燒雞腿肉非常香口，而且肉質嫩滑另外芝麻雞翼就炸得非常之脆口食唔停口。