影片
更多
2025-02-05
65 瀏覽
食完個DINNER正餐覺得唔夠喉，所以喺附近睇下有咩小食。最終喺餃子店同炸雞店之間揀左炸雞。我地兩個人揀左16件無骨炸雞，老闆話加$10就可以雙拼口味，所以我地加左錢要左蔥蒜醬油拼蜂蜜芝士$98。炸雞嘅SIZE唔算好大，口大嘅人一口一件都無問題。連皮炸雞腿肉雖然即炸出嚟，但食落只屬微脆；肉質唔鞋但稱唔上嫩；蜂蜜芝士係淡淡嘅蜜味配上臭臭嘅車打芝士粉，蜜糖量多，食落好甜；蔥蒜醬油中嘅蒜味較出，蔥味零存在，醬油太多，好鹹。墊底嘅薯條雖然熱，但一D都唔脆，而且又無薯香，唔好味。整體食物味道好一般，如果下次好想食炸雞都唔會想再嚟食。小店只有兩張細枱，共四個座位。喺等野食嘅期間，都有幾單外賣生意。小店接受現金或非商戶alipay付款。
我地兩個人揀左16件無骨炸雞，老闆話加$10就可以雙拼口味，所以我地加左錢要左蔥蒜醬油拼蜂蜜芝士$98。
炸雞嘅SIZE唔算好大，口大嘅人一口一件都無問題。
連皮炸雞腿肉雖然即炸出嚟，但食落只屬微脆；肉質唔鞋但稱唔上嫩；蜂蜜芝士係淡淡嘅蜜味配上臭臭嘅車打芝士粉，蜜糖量多，食落好甜；蔥蒜醬油中嘅蒜味較出，蔥味零存在，醬油太多，好鹹。
墊底嘅薯條雖然熱，但一D都唔脆，而且又無薯香，唔好味。
整體食物味道好一般，如果下次好想食炸雞都唔會想再嚟食。
小店只有兩張細枱，共四個座位。喺等野食嘅期間，都有幾單外賣生意。
小店接受現金或非商戶alipay付款。
張貼
