牛摩+ (上水廣場) (已結業)

上水一向都係比較少餐廳選擇，唯一就係上水廣場5樓近年都進駐左D餐廳，安慰下附近居民XD今日想打邊爐，醒起上水廣場上面都有間牛摩~附近應該亦冇其他日式火鍋餐廳選擇，一於就去食佢啦~~一開始對牛摩既期望唔大，畢竟都係連鎖餐廳。但是，一入到去見到環境的確唔錯，侍應哥哥仲好好心機介紹左湯底比我地一邊沙嗲一邊昆布，濃同淡味可以任君選擇~~SET方面我地簡左SRF和牛餐!第一樣野要讚既係和牛~和牛一上菜我地已經覺得個雪花好靚，肉質一流入口肉味濃又冇雪味。有時候好驚喱種任食火鍋店拎未解完凍既肉出黎SERVE客人，牛摩今次就冇出現喱個問題既SRF和牛餐仲有唔同肉類既選擇，包括左黑豚肉﹑牛肩腱﹑牛舌﹑雞肉﹑牛丸﹑墨魚滑等等，仲有好多唔同類型既炸物熟食，我就特別鐘意墨魚滑同埋牛肩腱牛摩都有提供大量配菜任食~客人自己出去簡，不論係菜﹑丸類﹑面食類既選擇都好豐富。我最鐘意就係麻吉燒，魚餅入面加入左煙煙韌韌既年糕，唔係中式火鍋會見到既食材。另外，腐皮結都好香豆味好好食，推薦將佢放係比較淡味既湯底一邊，可以食到食材本身既味道。餐廳仲有雪糕同甜品供應，見到同場隔黎台既小朋友唔食火鍋係到食雪糕食得好滋味XD總括而言，