永發茶餐廳

營業中

休息中

以前喺上水做嘢都經常去呢間茶餐廳，呢間茶餐廳好搞笑，好似全部員工都有親戚關係，餐廳最出名係雞，夜晚雞煲火鍋，日間就雞飯雞米粉，但其實佢有好多嘢食，咁多年嚟我都只食炒粉麵飯，原因係佢用料足，唔會好似有啲餐廳炒飯真係得飯。今日路過，我要食雞米，最後我叫咗雞河粉，河粉正常應該係交貨嚟，雞份量好多有7件，幾乎每部分都有好均勻，雞滑好食有雞味，湯底清清地好飲，辣椒豉油又係必要，辣得嚟香甜，每樣嘢都比普通好食高一點點，並沒有驚為天人嘅味道，就係有值得一試嘅平凡。