孖寶 (已結業)

平時成日都去連鎖式既西餐廳食飯，感覺都係一般，已經食到冇咩驚喜。早幾日朋友介紹上水開左間西餐廳-叫孖寶小館，今晚一於試試。店舖位置都算易搵，外內裝潢都不錯，感覺舒服。入座後店員安排我們坐四人座位，可以坐得舒服d🤗之後就點餐啦。1）南瓜忌廉湯-濃郁既南瓜味，又唔會太流質，好開胃💕2）水牛城雞翼-味道剛剛好，又熱辣辣，比平時出面食既冇咁辣，好味！3）意式清湯火腿介子雲吞-外表雖然冇咩特別，但一食落口，感覺好清新，完全唔覺得有味精既感覺，配埋三色椒同洋蔥，一口雲吞，無得頂！4）安格斯牛肉芝士漢堡-一黎到已經比佢賣相吸引住！塊漢堡好厚身，食落好juicy, 一d都唔油，7成熟剛剛好！5）紐西蘭肉眼扒- 外脆內嫩，質感飽滿，都幾juicy既！仲有配菜-炸薯波，食落感覺好得意，好飲食蟹鉗既感覺😍正！6）最後就梗係食甜品啦-檸檬芝士蛋糕🍰蛋糕面仲放左新鮮檸檬絲，連埋蛋糕一齊食，感覺好清新，唔會好甜，芝士同檸檬味好balance，唔會特別太濃！總括今次食西餐經驗，可以話性價比高，服務一流！仲正過去連鎖西餐廳食，一定會再黎😉🤤