Cafe Je T'aime (已結業)

嘈吵的上水人多，車多，水貨多 ，要搵一間靜靜地既餐廳和朋友談心確實是不容易。但是在充滿著水貨店和水貨客既上水石湖墟卻有一間十分寧靜的小型cafe，彷如俗世裡的一道清泉。set b，有機田園沙律配香橙醋汁，疏菜苦苦地，配上甜甜酸酸的香橙醋汁，味道幾特別。炒蛋和麵包味道一般，麵包的口感不香軟，又不脆口，更是凍的。炒雜菌味道不錯，煙三文魚好厚肉，魚油味香濃 。set c,溫泉蛋卡邦尼意粉，香草味和芝士味濃，意粉口感煙韌，配上溫泉蛋更增細滑口感。再加上炒磨菇及煙肉，令整道意粉好野味 。藍莓芝士餅，芝士味濃，口感厚實。baileys甜酒芝士蛋糕，用一個“甜”字就可以總結這件蛋糕的味道，冇baileys味，又冇芝士味 ，唯一可取是餅底味道不錯。順帶一提，店內有一個書架，架上擺放著文史哲類的書籍，喜歡看書既你，不妨黎呢道試下一邊食野，一邊打書釘。