All Day Cafe (已結業)

上水廣場5樓大翻新，開咗幾間新食肆，俾我發現到呢間新嘅文青風格既All Day Cafe。 上水人終於唔使去到粉嶺食All Day Breakfast喇❣️兩個人點咗一份All Day Breakfast (💰$68) 同埋 松露醬卡邦拿意粉 (💰$98)， 再跟一杯 低糖果茶 (💰$30) 同埋 冷泡咖啡 (💰$48up)。All Day breakfast除咗標準份量，仲可以自己追加配菜，款式仲好多添 😮 如果晏少少食，當埋午餐都得。我今次就加多咗份煙三文魚🐟。成份早餐水準一流，特別係隻蛋夠曬滑，煙三文魚既味道啱啱好，唔會太鹹。個🍝松露醬卡邦拿意粉亦都夠曬分量。 一嚟到已經聞到好香嘅松露味，食落仲好creamy， 絕對係值得encore嘅一款 !低糖果茶係🍑桃蓉加紅茶，見到啲果蓉架，份量十足之剩唔酸唔甜，女士必選。而杯🥃冷泡咖啡就係用咗爪哇咖啡豆去沖泡，亦保留咖啡的油脂，所以口感柔滑，香味濃郁 (當中亦有淡淡水果風味)。上水有間文青cafe可以打卡之餘又好味，連餐具同咖啡杯都好精緻，上水牛真係好滾動😂。侍應態度好有禮貌，請佢介紹下唔同咖啡都好細心。下次要試下個日本帶子香草青醬意粉先。