牡丹金閣 (海禧華庭購物商場)

營業中

休息中

父親節，當然要食餐好既慶祝。今次揀左間就腳既酒樓食晚市。距離火車站需要約10分鐘步程。入到酒樓座位舒適，枱與枱之間坐低仍然有空間。今次叫左個四人晚市套餐，再加兩三款菜式，份量剛好足夠七位。晚市套餐每碟餸份量非常多，而且味道十足。燒鵝非常惹味，魷魚炸得剛剛好👍🏻。特別值得一讚係主菜龍蝦伊麵，龍蝦隻隻大隻，而且個人第一次主菜食到見到盆底，龍蝦一隻不留。伊麵味道非常入味。整體餐廳觀感7/10。明顯見到食物質素同味道方面有下個苦工。據我所知呢間酒樓易手過幾次，希望今次能夠味道搭救，長做長有。