御八築地 (已結業)

出咗bonus梗係要去食餐好嘢，喺上水住咁耐都未去食呢間御八築地，聽就聽得多，食就第一次喇😍夜晚差唔多8點先到等咗幾分鐘就有位啦，入面睇落好似好逼，不過坐個位都不會逼。今次就叫咗火龍卷，八爪魚，中華沙律，野菌炒雜菜，帶子壽司，鰻魚壽司，火炙芝士三文魚壽司，串燒牛舌😍上菜嘅速度都算快👍🏻八爪魚🐙同中華沙律🥗份量都幾多下🤩咁就可以過足口癮🤤最鍾意食火龍卷，夠爽口彈牙，啲飯有加咗紫菜碎，超好味🤤😍可以自己食一條😂必試菜式之一啊😉另外都一定要叫燒牛舌，大大塊，燒得啱啱好，唔乾身，‘鞋’口。而其他壽司都唔差，帶子夠肥美，鮮甜，鰻魚壽司條鰻魚醬汁一流，成舊食似食緊鰻魚飯😆火炙三文魚🍣好大塊，肥美，唔會有燶味，正👍🏻對得起個價錢。健康飲食一定會叫碟菜😉野菌炒雜菜夠大碟，唔會炒得好乾，不過有啲啲油，食落味道OK👌🏻叫嘅嘢唔算多，但食得超飽，仲要食唔曬🙈份量好足夠👍🏻咁價錢都合理。等下次出bonus又黎食過🤤