原味蒸氣石鍋海鮮專門店 (已結業)

近年興以蒸氣石鍋蒸海鮮，朋友試完大力推介，我梗係即刻去試下先….聞名不如見面，一入門口，就見到魚缸同凍櫃有廿幾款新鮮海鮮選擇，正啊！！所有海鲜質素都唔錯，揀完之後，會送入厨房清洗調味～調味可選擇：清蒸。薑蔥。金銀蒜。我比較喜歡呢度嘅透明煲蓋，可以清晰睇到入面嘅海鮮….侍應姐姐服務好好，由開頭一路ＳＥＲＶＥ到尾…見我地差唔多食完一款，先開始再蒸下一味。一開始，試左　‘日本北寄貝’，真係超鮮甜…. 必食推介！！！！同平時食的北寄貝壽司，真係差天共地！！平時出面食到嘅鮑魚，通常洗完都仲有勁大條嘅黑邊～但呢度嘅海鮮，真係清洗得好乾淨～奄仔蟹，必食！！正所謂有圖有真相，爆晒膏！！鮮甜到爆！！唔好講咁多，食啦～＂薑蔥蒸蟶子皇＂，熟後點多兩滴醬汁，真係鮮味無比個粥都好綿，一開始就加入排骨同南瓜，一路蒸出嚟嘅海鮮汁流入粥底，鮮味無比，非常好味。