歐意餐廳 (已結業)

第一日去新公司報到，放lunch唔知道食乜好，就近入左呢間試下。叫左份34蚊既烤雞扒蕃茄意大利飯另配一份38蚊既脆炸雞翼配雜果薯仔沙律。一個午餐就平平地100蚊有得找，作為午餐黎講算係有啲奢侈，不過其實淨係叫個飯就真係抵到爛。我最中意係個蕃茄意大利飯，蕃茄同飯果然係絕配，酸酸地勁開胃，仲有啲瓜係入面令到個飯有唔同既口感，件雞扒仲要幾Juicy。作為一個30幾蚊既Lunch黎講可以比90分。另一份炸雞翼調味岩岩好，唔會太咸同埋夠曬脆，而個沙律都好好食，奶味夠濃郁，作為飯後小菜可以話係一流。呢間既CP值好高，強推!