王家沙 (已結業)

去新世紀，原本想飲茶，但間間都勁多人，勁等位，價錢又唔平，終於行左好耐見到2樓既王家沙唔多人，其實之前食過，唔會伏，一於行入去，唔駛再等位。素菜包，$30，好鬆軟，菜同冬菇粒都軟綿綿。 蔥油餅，估唔到有2塊，都算多，呢個係驚喜地鬆脆，有蔥油香，讚蘿蔔絲酥餅，好食鬆化，個底有炸芝麻，更香脆感。紅油抄手，多蒜蓉，唔太多辣油，味道ok唔太辣。牛擔擔麵，$58，呢度既擔擔麵，花生醬比例唔重，反而多左麻辣味。蔥爆羊肉，炒得好香，夾落薄餅食，有種juicy感，羊肉羶味雖然突出，但朋友不喜愛羊羶味，但都接受到，話似牛味。配薄餅4塊唔係好夠喉，可惜沒有加單薄餅可叫。家鄉炒年糕，好香，味濃但唔咸。整體都好食，又坐得舒服，唔駛等位。價錢同平時上海菜差唔多。不過有$5茶錢，同花生$10。