上海飽餃店

營業中

休息中

有得堂食又有得外賣，好似叫外賣平啲(?)，外賣姨姨好nice，推薦我食乜嘢，又好有耐心等我諗食乜嘢。*小籠包(4隻)小籠包每一隻都包得好靚，一盒四隻，每一隻都完整冇爛。小籠包皮偏厚，對我來講係一個意外嘅發現，皮厚搭餡食好有口感，好可惜凍咗有少少硬。豬肉餡料非常足料，唔會太過油膩，仲好juicy。生煎餃 單隻外賣生煎餃同樣皮厚，煙韌香軟，冇生煎嘅脆外皮，但依然有果種焦香。餡料好多，非常足料，有菜又有肉，口感滿分，仲可以單隻買添。蔥油大餅 $9聽講呢度嘅蔥油大餅好出色，一定要買嚟試。蔥油大餅一定油，但食完唔會太滯太膩，蔥油香味偏淡，食落麵粉香多過蔥油香，勝在蔥粒好多，彌補番淡蔥油味。菜肉包 $8第二朝即刻買菜肉包食，熱辣辣嘅菜肉包。包身鬆軟，香噴噴，近餡料嘅包身過濕，口感欠佳。餡料肉菜半半，豬肉紮實+菜甜，有口感又帶肉汁，但餡料偏少。仲買咗一杯凍豆漿($6)，豆味普通，唔會太甜。