影片
更多
2016-07-24
481 瀏覽
星期五晚約咗媽媽食飯，唔想出太遠，去左太子搵嘢食，上到openrice見到間新嘅餐廳叫做浦東晉家門，諗住去試吓，本來以為係食上海菜嘅，點知去到先發現原來係食西餐同埋食甜品，而且仲可以飲嘢添，同我想像中真係有啲差距喎。裏面嘅裝修其實都帶點上海新天地嘅色彩，深啡色同黑色嘅長身，配上紅色嘅燈籠仔，啲poster全部都係懷舊色彩，都切合返佢浦東上海主題，有上海新派嘅一面。嘢食方面都有幾多野揀，但係就以西餐輕食為主，窩夫就有另外一個餐牌，睇來係招牌甜品。煙三文魚凱撒沙律＄78煙三文魚擺碟好似玫瑰咁，好有心思，蔬菜都好新鮮好有水份，但係就唔係落咗好多凱撒沙律醬，反而加左好多芝士粉，都幾開胃，但係就有少少口渴。香辣野菌烤雞薄餅＄78本來係黑松露薄餅同烤雞薄餅之間掙扎，最後叫咗烤雞，果然無揀錯，薄餅加左好多之時，會見到好多拉絲效果，芝士軟熟香口，每一塊薄餅上面都有大大塊烤雞肉，雞胸肉相對地比較乾身，冇乜水份，會有少少鞋不過都幾好食，其他野菌相對地嘅水份保留得好啲，成個Pizza非常香口，唔係薄身嘅餅底，＄78都幾大個。珍寶帶子墨汁意粉＄108一上到枱打個突，佢啲墨汁同平時食到嘅墨汁意粉咁唔同嘅，似係整
裏面嘅裝修其實都帶點上海新天地嘅色彩，深啡色同黑色嘅長身，配上紅色嘅燈籠仔，啲poster全部都係懷舊色彩，都切合返佢浦東上海主題，有上海新派嘅一面。
嘢食方面都有幾多野揀，但係就以西餐輕食為主，窩夫就有另外一個餐牌，睇來係招牌甜品。
煙三文魚凱撒沙律＄78
煙三文魚擺碟好似玫瑰咁，好有心思，蔬菜都好新鮮好有水份，但係就唔係落咗好多凱撒沙律醬，反而加左好多芝士粉，都幾開胃，但係就有少少口渴。香辣野菌烤雞薄餅＄78
本來係黑松露薄餅同烤雞薄餅之間掙扎，最後叫咗烤雞，果然無揀錯，薄餅加左好多之時，會見到好多拉絲效果，芝士軟熟香口，每一塊薄餅上面都有大大塊烤雞肉，雞胸肉相對地比較乾身，冇乜水份，會有少少鞋不過都幾好食，其他野菌相對地嘅水份保留得好啲，成個Pizza非常香口，唔係薄身嘅餅底，＄78都幾大個。珍寶帶子墨汁意粉＄108
一上到枱打個突，佢啲墨汁同平時食到嘅墨汁意粉咁唔同嘅，似係整意粉嘅時候已經加咗墨汁入去，而唔係用墨汁去煮，本來有啲失望，但係食落發現意粉好彈牙，同平時食開嘅意粉一係硬一係淋好唔同，係我第一次食到嘅意粉質感，雖然墨汁味唔係好重，但係個彈牙口感我好鍾意，令我對佢改觀。水牛城雞翼＄68
又係同我想像中嘅好唔同，其實係炸雞翼上面有一點水牛城嘅汁，一啲都唔辣，炸雞翼外皮炸得香脆，裏面仲係好juicy，加埋少少嘅水牛城汁，感覺冇咁肥膩，其實都幾好食，但係同水牛城雞翼就好似冇乜關係。草莓鬆餅＄78
我對窩夫嘅要求好高，因為覺得好容易會出事，如果做唔到外脆內軟，乾爭爭裏面又無味，我真係寧願掉左去。呢度嘅窩夫果然係招牌甜品，外脆內軟得黎完全冇餅乾嘅感覺，仲有蛋香味，係好有質素嘅窩夫，唔係求其焗焗到老晒嘅果d。草莓沙冰＄48
好大杯，略嫌啲冰大嚿左啲，同埋有啲太甜。兩個人食咗＄500 ,飽到差啲要打包走。
張貼
