上海廳1930 (已結業)

今日心血來潮想食中菜，但得2個人驚叫唔到好多送，個Frd 就介紹上海廳，因為有lunch set 叫，仲有得揀唔同小食，好抵玩！我同Frd 一人叫左一款麵食，再揀2款小食share。我揀左擔擔麵，好香花生麻醬味，而且唔會太辣，好開胃，而且仲有少少花生碎，係好足料既湯底。試左個Frd 叫既雲吞麵，粒雲吞好大粒，一樣都好足料，雖然係清湯但啲麵都好入味。2個麵既份量都好大，我地2個食完都已經7成飽。仲有2個小食，分別係小籠包同蔥油餅。Total 有4粒小籠包，以$60幾蚊既餐有咁多野真係好抵。小籠包唔會乾，啲皮好薄，入面好多肉汁，一定要用𡙡盛住食。另外蔥油餅好香口，應該係新鮮炸出黎。我地每人加左$5 轉飲凍豆漿，好滑唔會太甜。雖然食完小食已經9成飽，但女仔食甜品係有第2個胃，我地忍唔住加左個酒釀丸子做甜品。 啲小丸子好彈牙，糖水好香桂花味，感覺好fresh。2個人lunch $150 有找就食到咁多樣野真係十分滿足，下次帶屋企人黎試下先。