上海弄堂菜肉餛飩 (已結業)

環境4分：比普通餛飩舖高級，樓面幾高，屏風同Ｄ燈有上海feel，畀四分。衛生4分：地方同枱面D汁好乾淨，一樣可以畀四分。服務5分： 等野食時不停飲茶，服務員添茶水速度非常快，可以畀五分。味道5分：1)      小食鎮江餚肉好清夠彈。2)      韭王炒鱔糊加五蚊轉湯麵，份量都唔少，味道好濃，非常似正宗嘅上海菜。3)      個湯麵好明顯係人手即刻拉，食得出口感煙煙韌韌。4)      小籠包一籠有四隻，即蒸夠熱，層皮真係薄到呢好軟熟，湯汁濃味，Ｄ豬肉又嫩滑，超級好食，唔可以唔畀五分。抵食5分：一人百幾蚊食個上海晚餐，只係計個超班小籠包已經抵，都係畀五分！