京饌 (已結業)

第一次來呢間上海食肆，選左一台係門口近商場走廊位置，疫情關係，安心啲！木臺木椅，有古色古香的上海老店味道，感覺舒服。我地一共5位，點左幾樣上海精選，頭盤有熏魚，小吃有韭菜餅，蒸肉包，湯就有酸辣湯，醃篤鮮，最後係主菜酸菜魚淮山麵。熏魚大大件，肉質香濃，外面加上一層汁，讓魚肉口感不會太乾。酸辣湯酸味好夠，有啲啲過酸感。我本身不可以吃辣，但呢個酸辣湯，辣味可以再多少少。酸辣湯湯底少少清，微微薄，ok嘎。醃篤鮮材料夠份量，火腿大大件，鹹度夠，百葉結唔錯，唔知點解，醃篤鮮既湯底味道，反而少了火腿味，唔知係咪熬湯時間不夠呢？韭菜餅賣相好，夠香，皮脆，係我覺得很不錯的一道小吃。酸菜魚淮山麵，麵條爽滑，好味道😋，魚片厚身，味道鮮甜，番食指數最高。蒸包大大隻，份量充足，熱氣騰騰，另一推薦小食。我想講講既係呢度啲茶，普洱茶茶味夠香，水夠熱，真係唔錯。