阿翁廚房 (已結業)

星期六2個人揾野食，呢間上海食肆真係名不虛傳，經濟實惠，服務週到，正宗上海菜。先來個合掌瓜例湯，真係無味精，吾口渴，鮮甜，湯渣有瓜有瘦肉有排骨，真材實料。醉雞算厚肉，雞皮脆滑，雞肉有點嚡但尚過得去，酒味完全滲透入雞肉，有酒香味，卻不苦澀或嗆喉，酒應是用上等花雕，而且時間掌控得非常精準。上海粗炒用上正宗上海粗麵，即叫即做意思係不會預先煮熟粗麵，避免過林，粗麵煮得剛好，彈牙有咬口，而醬油均勻掛在每條粗麵上，炒得香口，粗麵微咸有咬口，非常好! 豬扒鬆軟多汁脆口，超正!檸蜜也好味過人，應該另加了上等蜂蜜，不是一般茶餐廳或超市貨色，不會死甜或人造甜，零舍滋潤。