上樓 (已結業)

好耐之前食既上海菜(大約十二月) ，由家姐請客。小籠包：豬肉餡幾滑。皮算薄，不過好易穿。牛肉餅：好似食山竹牛肉咁。都幾好味，肉質唔會太腍。糖醋魚塊：呢個最好味。魚好滑，唔會好厚粉，個汁好香醋味但又唔太酸。仲有好多配料添！蘿蔔魚頭湯：除左蘿蔔魚頭，仲有好多秀珍菇。魚湯唔算太濃，不過材料好豐富。服務唔得囉。雖然話左八點交枱，但七點四十分我地未食完就催埋單，仲係好冇禮貌個種！