翡翠拉麵小籠包 (已結業)

今晚，老公話要食上海野，所以收工同佢到九龍灣翡翠小籠包食。我地今次叫了醬燒牛展。因為見佢好特別，會用上夾北京填鴨的皮夾住黎食，所以特別叫了一客。牛展面塗上了很特別醬汁，食落似千島沙津醬口感，當夾埋包皮又有另一種食法，食落好似食漢堡包既味道好特別。此外，我地叫了招牌小龍包，不但皮薄料正，而且豬肉很有鮮味，加埋醋點來食，可以帶出豬肉的鮮味。最後，我地叫了上海粗炒，出面食過限多次，但這裡的上海粗炒不但唔多油，而且麵質很爽口，唔似外面食落很滯的感覺。總括來說，米之連推介當然正野，就算分店都保持到總店水準。