上海弄堂菜肉餛飩 (綿發街)

營業中

休息中

現在好少去跑馬地，但以前呢區都幾熟，今日喺附近做完嘢搵午餐食，以前食開嘅茶餐廳唔見咗，俾我搵到呢間好野，平實水準及價格，雲吞做得好，皮唔太薄有實在感，扎扎實實包住豐富的豬肉菜餡料，無需要花巧，我點的是紅油抄手，有紅油香口一點，不辣。呢間店的好處是可以貪心啲食多款組合，好似我今日咁又想食醉雞、又想食擔擔麵，唔係只得白飯同菜飯揀。醉雞肉滑皮爽，酒香夠，擔擔面醬汁濃，味道豐富，叫中辣都得，唔係四川嘅高辣度。見到紅燒肉菜飯好似好得，尤其嗅聞到醬汁嘅香，下次再嚟試。午餐送豆漿。