夏麵館 (新都城中心二期)

營業中

休息中

今日同朋友黎將軍澳睇戲，梗係食咗Lunch 先喇，周圍逛逛，唔知食乜好，行到夏麵館門口，睇吓個餐牌，d食物又幾好，幾吸引咁，ok就入去試吓喇！ 餐廳環境唔錯，我地坐卡位就更加舒適。仔細再睇吓個餐牌，我地揀咗小籠包、花鵰醉鷄、紅油抄手同埋三鮮湯年糕。 首先到嘅係醉鷄，聞到好香嘅酒味，雞嘅肉質唔錯，啱我口味😋；跟住紅油抄手，上面舖滿蒜粒同蔥花，望落好開胃，但加多少少辣就更好；小籠包一般般喇，但裡面多汁嘅；到三鮮湯年糕，湯底係奶白色嘅高湯，加埋三鮮清清地，最後都可以食曬。價錢都合理，下次有機會再試吓其他嘢！👍