影片
更多
2006-12-31
684 瀏覽
最最最最好奇的店。嚴格o黎講，呢間係泰人吧：除o左無乜黃面人幫襯之外，入面坐o係度既，企o係度既，都係泰國原班人馬。問有無menu。「講廣東話啦。」問有無menu。「無呀，你想食乜？」指住客門口「粉麵檔」既淨金邊粉（「淨係要金邊粉？」「咁我想食甜品嘛。」）...同水吧位放o係度既「甜粉」（「呢D係乜o黎o架？」「又要我解釋俾你聽？」）。淨金邊粉其實係「齋」金邊粉，份量比較細，有芽菜、香菜、炸蒜頭等加濃湯汁。加一羹辣椒乾，再加一羹黃澄澄的酸辣黃椒汁，超級酸辣，超級刺激；一口喝光，意猶未盡。「甜粉」係斑蘭葉加薯粉，銀針粉樣既粉條，用甜椰奶佐食（問係乜，只係想知道佢個正名）。東南亞甜品出名甜，不在話下；粉條原本黐埋一pat，但落o左落椰奶度，又分番開一條條...直覺覺得水份仍然係多o左少少。份量加上味道，完全拾回o係泰國食到既「地味」- 少o係香港食泰菜既原因，就係因為o個份執拗既「地味」。走的時候，「靚妹，你又幾夠膽?；燒雞翼，試唔試？」「下次o黎再試！」我由衷地說。
嚴格o黎講，呢間係泰人吧：除o左無乜黃面人幫襯之外，入面坐o係度既，企o係度既，都係泰國原班人馬。
問有無menu。「講廣東話啦。」
問有無menu。「無呀，你想食乜？」
指住客門口「粉麵檔」既淨金邊粉（「淨係要金邊粉？」「咁我想食甜品嘛。」）...
同水吧位放o係度既「甜粉」（「呢D係乜o黎o架？」「又要我解釋俾你聽？」）。
淨金邊粉其實係「齋」金邊粉，份量比較細，有芽菜、香菜、炸蒜頭等加濃湯汁。加一羹辣椒乾，再加一羹黃澄澄的酸辣黃椒汁，超級酸辣，超級刺激；一口喝光，意猶未盡。
「甜粉」係斑蘭葉加薯粉，銀針粉樣既粉條，用甜椰奶佐食（問係乜，只係想知道佢個正名）。東南亞甜品出名甜，不在話下；粉條原本黐埋一pat，但落o左落椰奶度，又分番開一條條...直覺覺得水份仍然係多o左少少。
份量加上味道，完全拾回o係泰國食到既「地味」- 少o係香港食泰菜既原因，就係因為o個份執拗既「地味」。
走的時候，「靚妹，你又幾夠膽?；燒雞翼，試唔試？」
「下次o黎再試！」我由衷地說。
張貼
