影片
更多
2011-07-25
333 瀏覽
潮江春係大埔係我最喜愛既酒樓，早年裝修，將大廳間開一半，開左北京人家，做點京菜吸引食客 ~ 裝修更有貴氣，更有私人空間，服務及出品亦都保持水準，好滿意 ~ 提早食父親節飯，免得正日人多車多同人迫又食得唔開心。一向都只會係隔離潮江春飲茶，今次第一次幫襯北京人家。牆上面既金色通花裝飾好靚，天花掛住既風扇雖實用性不高，但帶出種北京老店格局感覺，仲好有懷舊既味道。 menu 裡十分多巧手小菜，樣樣都好吸引，樣樣都想試。醃毛豆青瓜花生貢菜，開胃小食前菜，簡單味美，特別係青瓜，爽口清甜。涼伴青瓜粉皮，味道真係有點淡有點寡，只靠醃青瓜既淡淡味道，為何不配點特式既汁料呢？唔可以話難食，只係有點單調，如果作為清淡既前菜，係可接受的。花雕醉雞，帶甜既花雕酒味不太搶，完完全滲入雞肉之中。雞肉嫰滑，不肥不瘦，每個細節剛好又恰到好處，好味。砂鍋雲吞雞，甜甜既白菜味跟香香既雞味混和，湯不油不膩，好清甜 ﹗煲完湯既雞肉依然好有雞味，肉質保持嫰滑，好好食。雲吞大大粒，豬肉味香且濃，雖皮稍厚，但亦不錯。真係好大煲，足足有八碗湯水以上，抵呀。實好好飲，我自己都飲左三大碗呀 ﹗清炒河蝦，炒得清甜、彈牙乾爽，食其原始鮮味，九
一向都只會係隔離潮江春飲茶，今次第一次幫襯北京人家。牆上面既金色通花裝飾好靚，天花掛住既風扇雖實用性不高，但帶出種北京老店格局感覺，仲好有懷舊既味道。 menu 裡十分多巧手小菜，樣樣都好吸引，樣樣都想試。
醃毛豆青瓜花生貢菜，開胃小食前菜，簡單味美，特別係青瓜，爽口清甜。
涼伴青瓜粉皮，味道真係有點淡有點寡，只靠醃青瓜既淡淡味道，為何不配點特式既汁料呢？唔可以話難食，只係有點單調，如果作為清淡既前菜，係可接受的。
花雕醉雞，帶甜既花雕酒味不太搶，完完全滲入雞肉之中。雞肉嫰滑，不肥不瘦，每個細節剛好又恰到好處，好味。
砂鍋雲吞雞，甜甜既白菜味跟香香既雞味混和，湯不油不膩，好清甜 ﹗煲完湯既雞肉依然好有雞味，肉質保持嫰滑，好好食。雲吞大大粒，豬肉味香且濃，雖皮稍厚，但亦不錯。真係好大煲，足足有八碗湯水以上，抵呀。實好好飲，我自己都飲左三大碗呀 ﹗
清炒河蝦，炒得清甜、彈牙乾爽，食其原始鮮味，九成熟已足夠 ﹗簡單調味已惹味非常，Good。
菠蘿咕嚕斑塊，斑塊軟棉棉、滑嘟嘟，薄薄一層炸粉，好正好喜歡，最討厭做到硬屈屈、鞋烚烚。酸酸甜甜開胃咕嚕汁，真係飯都食多兩啖，此菜色香味美，好滿意。
鴨醬，應該係現醒買返黎，無作任何調製加工，真係咸左啲。有些餐廳買鴨醬返黎後會略為加工，暮求盡善盡美，配合他們的菜式。可能會加水、糖、香料或蒜蓉等等，令味道更有層次。但依家只有原來既咸味，好寡，一啲都唔吸引。
北京填鴨一隻，居然由樓面姐姐負責片？唔係由大師父操刀，真令人擔心，刀功會直接影響肉既質感。鴨肉質地較鞋，而且今次燒得稍乾，肉汁欠奉，皮未夠香脆，而且帶略重油膩感。鴨醬太咸，唔能夠落太多去減低油膩感，青瓜條又太乾，想沖一沖淡咸味同油量又唔得，真係有待改進。總括黎講，免免強強還可以啦，起碼夠大件又樣樣做足。
清蒸素餃，餡料清淡帶點油膩，麻麻。本身我係食肉獸，食齋真係提不起興趣來。
灌湯小籠包，層皮都幾厚吓喎，層經有食家朋友仔話北京小籠包既皮做法跟上海唔同，較厚又睇唔到裡面係正常架喎，係咪真架？皮太厚唔多討好，但味道唔差，有香濃湯汁跟豬肉，係好味既。
無鍚骨，味道酸酸甜甜，外層炸得香脆可口熱辣辣，外脆肉嫰，真係好惹味。就算依家食到尾聲，飽到差不多食唔落都要食呀 ﹗
晚飯套餐六個送都只不過係四百幾，加多幾個送埋單一千有找，好抵食，出品同服務又好，超值 ~
張貼
