影片
更多
2022-06-08
195 瀏覽
自從上次食完印度菜之後，原來我係幾鍾意食，所以今次朋友話想食印度嘢，毫不猶豫即刻應承今次就放工近近地，揀咗上環Basmati 一間正宗印度餐廳，試吓味道如何🇮🇳地點好方便，上環地鐵站一出轉過彎就到，餐廳裝修非常有印度特色，牆上掛咗好多充滿印度色彩嘅畫，全部職員當然都是印度人，非常友善，對於唔係好識點餐嘅我哋，都係由店員介紹幾款最熱門俾我哋👍🏻🫕▪️印度南瓜湯 $ 38 清甜嘅南瓜蓉湯，加咗唔同印度香料，非常濃香Creamy ，仍然食到有南瓜蓉，好好飲🧀▪️酥炸奶酪球 Paneer Pakodas $ 78薄薄既炸槳包住洋蔥，青椒，芝士，就咁食已經好好食，一啲都唔會漏，芝士有點像豆腐，好有驚喜，再加埋羅望子醬/ 薄荷醬一齊食，就可以食到不同風味，非常唔錯，素食者都啱食🫔▪️千層餅 Paratha $ 34非常酥脆又煙煙韌韌，味道非常香嘅麥味帶少少甜味，而且一D都唔油，就咁食或者配咖喱都一樣咁好味😋🥖🧀▪️芝士烤餅 Cheese Naan $ 36烤餅中間夾住濃厚既拉絲芝士，非常澎湃，一定要襯熱食，非常正，芝士迷一定喜歡🐔▪️香燒春雞 Tandoori Chicken $ 102必食推介，一上枱
自從上次食完印度菜之後，原來我係幾鍾意食，所以今次朋友話想食印度嘢，毫不猶豫即刻應承
今次就放工近近地，揀咗上環Basmati 一間正宗印度餐廳，試吓味道如何🇮🇳
地點好方便，上環地鐵站一出轉過彎就到，餐廳裝修非常有印度特色，牆上掛咗好多充滿印度色彩嘅畫，全部職員當然都是印度人，非常友善，對於唔係好識點餐嘅我哋，都係由店員介紹幾款最熱門俾我哋👍🏻
🫕▪️印度南瓜湯 $ 38
清甜嘅南瓜蓉湯，加咗唔同印度香料，非常濃香
Creamy ，仍然食到有南瓜蓉，好好飲
🧀▪️酥炸奶酪球 Paneer Pakodas $ 78
薄薄既炸槳包住洋蔥，青椒，芝士，就咁食已經好好食，一啲都唔會漏，芝士有點像豆腐，好有驚喜，再加埋羅望子醬/ 薄荷醬一齊食，就可以食到不同風味，非常唔錯，素食者都啱食
🫔▪️千層餅 Paratha $ 34
非常酥脆又煙煙韌韌，味道非常香嘅麥味帶少少甜味，而且一D都唔油，就咁食或者配咖喱都一樣咁好味😋
🥖🧀▪️芝士烤餅 Cheese Naan $ 36
烤餅中間夾住濃厚既拉絲芝士，非常澎湃，一定要襯熱食，非常正，芝士迷一定喜歡
🐔▪️香燒春雞 Tandoori Chicken $ 102
必食推介，一上枱香料味道香到不得了，烤雞被厚厚既香料包圍住，非常入味，雞肉肉質幾滑，好惹味，底部仲有椰菜絲和紅蘿蔔絲沙律
🐤▪️牛油雞 Butter Chicken $ 92
印度咖喱蕃茄醬汁，好香濃帶少少甜，雞肉用印度牛油和香料醃咗一日，滑到一個點，撈埋醬汁一齊食，真係超級好食，醬汁配烤餅或者飯，味道一流，完全食到停唔到口
🍹▪️Mojito $ 58
店家特別為我哋製作一杯冇酒的Mojito ，超濃郁的薄荷味，青檸加梳打，少少甜，幾好飲
☕️▪️Indian Masala Tea $ 29
一直好想試印度香料茶，如果你本身好鍾意飲奶茶，你一定會鍾意飲，這杯有點像港式奶茶比較少奶，然後加咗印度香料，我冇加糖，帶少少甘甘地嘅味道，我好鍾意飲🥰🥰
✨這家印度餐廳非常正宗，職員友善，而且價錢非常相宜，推介推介✨
張貼
