興旺廚房

營業中

休息中

今日喺上環收工，諗住返屋企唔煮飯，就買兩個兩餸飯返屋企食，上環都有好幾間兩餸飯店， 最後經過蘇杭街見到興旺廚房， 門面好光猛入到店舖入面好乾淨整齊，佢有分堂食坐位又可以外賣。佢哋嘅餸菜選擇都好多 ，有肉類， 蔬菜類， 仲有海鮮供選擇。 揀咗三餸飯，仲會附送湯飲品都只係＄45超抵食， 我哋買嘅時候都好多人排隊。我哋叫咗2盒三餸飯， 佢哋嘅餸菜都畀好多， 其中一款炸雞槌畀咗四隻， 炸得好香口好入味面層再加咗蜜糖食落甜甜地好美味， 蔬菜類都好新鮮， 四季豆炒得好有鑊氣好野味，蒸雞好滑，排骨入味。