Poking

今日同朋友去健身室做完運動，之後揀咗上環蘇杭街一間叫「Poking」嘅餐廳食poking bowl。呢間餐廳堂食嘅座位唔多，枱頭見到好多外賣單，可見Poke Bowl無論堂食定外賣都咁受歡迎。打開餐牌主要分咗三類，包括餐廳預先設計好嘅signature bowl、高蛋白沙律精選同高纖蕎麥麵精選，就算餐廳嘅signature bowl唔啱胃口，顧客都可以按自己嘅喜好逐項選擇配搭，選項仲超過三十款，可以配搭出獨一無二嘅Poke bowl!我哋嗌咗I am greedy同creamy baby兩款signature bowl，前者嘅材料有三文魚、吞拿魚、鮮蝦、蟹柳沙律、蟹籽、雞蛋絲、青瓜、枝豆同芝麻；後者有三文魚、牛油果、雞蛋絲、豆腐、青瓜、蟹籽、木魚絲、脆炸蒜粒同芥末乳酪沙律盛。三文魚同吞拿魚嘅肉質鮮嫩肥美，鮮蝦爽口彈牙，其餘嘅蔬菜都要好新鮮，base可以揀壽司飯、壽司飯拼沙律菜或者蕎麥麵，份量好足，不論男女都會食到好飽，而且餐廳全部嘅食材都會採用最新鮮嘅蔬菜同高蛋白質嘅肉類，絕對適合各位減肥增肌嘅健康人士！📍上環蘇杭街121號地舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整