樂食坊

營業中

休息中

讀下文前總結：樂食坊價錢係灣仔茶餐廳黎講屬於可接受既價位，但以呢個價錢換黎既食物質素同衛生就係 VERY GOOD，「性價比」屬於偏高。正文：中午諗唔到食乜，好多時就自然會黎「樂食坊」。地方雖然較細，但係每次黎都有一種住家FEEL。有好多餸係出面都食唔到，但係好樂食坊就有得食，就算係貴隔離茶餐廳小小，我都係選擇揀呢間，因為有住家既菜式，甚至係其他非住家餸佢地都堅持唔加味精，而家香港食市好難搵。對於返工族更加係PERFECT，平時中午返唔到屋企食飯，又唔想帶飯盒，但又想食住家飯。今次我會推薦Ｄ特色Ｄ既餸，例如係香煎藕餅同咸香雞，配以白飯更有住家既感覺。環境方面，呢度地方雖然細細地，午市亦好繁忙，但點都要黎呢度食就係為左食物質素同環境乾淨，呢度個廁所（真係唔係講笑），係我去過最乾淨既茶餐廳廁所。雖然呢個 COMMENT 好搞笑，但我覺得茶餐廳可以 MAINTAIN 到咁乾淨真係好少有。。老闆一定係落左唔少力去保持衛生水平，非常抵讚。