鶴崎居酒屋 (已結業)

北海刺身丼($118)，七款食材鋪滿住整個飯，每款食材都鮮味十足，好鮮甜，帶子好大隻咬落軟綿綿得黎帶少少爽口，海膽味道濃郁一直停留在口腔內，三文魚籽配飯一齊食，在口裏爆開果種滿足感實在難以形容。上壽司盛合($138)，有七款壽司，包括赤身、油金魚、帶子、赤貝、魷魚、牡丹蝦、海膽，同樣選用優質食材，牡丹蝦係我至愛，越黏口感覺我越鐘意，油金魚油份最多，每食一口魚油既香味就散發在口腔。雲糖壽喜鍋(安格斯牛小排)($188)，壽喜鍋加左棉花糖，就好雲一樣咁靚，亦可以令湯底甜味更加突出，配菜豐富，豆腐好滑，粉絲吸晒湯汁既味道，另一主角係安格斯牛小排，共有10塊，每塊都超過手掌咁長，肉質爽口彈牙，邊位帶有脂肪，牛味香濃，配有日式胡麻醬和生蛋兩款汁，沾滿生蛋汁既牛肉更加滑。