影片
更多
2021-04-22
1203 瀏覽
💖熊妹好耐都冇去最愛嘅九龍灣喇，今日等埋懶懶熊放工之後就去九龍灣行吓街同埋食晚飯。📌行街前梗係醫吓肚先啦，食飽先有力行㗎嘛！返咗成日工嘅懶懶熊餓透了，熊妹就揀咗喺企業廣場一樓嘅一間西餐廳《Coti the Bistro》。📌晚上7:30嚟到，上班族都下班了，平日人來人往嘅廣場都變得冷清咗啲，餐廳人數都寥寥可數，仲好啦，冇乜人清靜啲，可以慢慢享受個晚餐。📌晚餐Menu📋有飯🍛、意粉🍝、西餐主食🥩、漢堡包🍔、全日早餐🍱等等，包是日餐湯同精選沙律🥗，但係就唔包飲品，價錢為$85至$188，價錢唔算太便宜。📌飲品方面有茶包茶、冷泡茶、沖調咖啡同埋特色沖調熱飲，大概$30、$40一杯，正常飲品價錢，不過無跟餐價，額外咁樣叫一杯就會顯得貴左啲。🔝蟹肉藜麥沙律沙律一碗份量都唔少，入面有新鮮沙律菜🥗、青蘋果片🍏、半粒蕃茄仔🍅、少許藜麥粒同埋蟹肉碎🦀，蟹肉碎同沙律菜撈埋一齊食鹹鹹哋又幾清新，沙律汁係黑醋汁幾開胃。是日餐湯，忌廉湯忌廉湯🍵質感幾濃郁，牛奶忌廉味都重但又唔算太鹹，入邊有啲粟米粒同麵包粒，食完沙律再飲湯，幾暖胃。原條鰻魚漢堡配蕃薯條，$98熊妹其實幾鍾意食鰻魚，又好鍾意食漢堡包，見到Menu有
📌行街前梗係醫吓肚先啦，食飽先有力行㗎嘛！返咗成日工嘅懶懶熊餓透了，熊妹就揀咗喺企業廣場一樓嘅一間西餐廳《Coti the Bistro》。
📌晚上7:30嚟到，上班族都下班了，平日人來人往嘅廣場都變得冷清咗啲，餐廳人數都寥寥可數，仲好啦，冇乜人清靜啲，可以慢慢享受個晚餐。
📌晚餐Menu📋有飯🍛、意粉🍝、西餐主食🥩、漢堡包🍔、全日早餐🍱等等，包是日餐湯同精選沙律🥗，但係就唔包飲品，價錢為$85至$188，價錢唔算太便宜。
📌飲品方面有茶包茶、冷泡茶、沖調咖啡同埋特色沖調熱飲，大概$30、$40一杯，正常飲品價錢，不過無跟餐價，額外咁樣叫一杯就會顯得貴左啲。🔝
精選沙律
23 瀏覽
0 讚好
0 留言
沙律一碗份量都唔少，入面有新鮮沙律菜🥗、青蘋果片🍏、半粒蕃茄仔🍅、少許藜麥粒同埋蟹肉碎🦀，蟹肉碎同沙律菜撈埋一齊食鹹鹹哋又幾清新，沙律汁係黑醋汁幾開胃。
是日餐湯
6 瀏覽
0 讚好
0 留言
忌廉湯🍵質感幾濃郁，牛奶忌廉味都重但又唔算太鹹，入邊有啲粟米粒同麵包粒，食完沙律再飲湯，幾暖胃。
原條鰻魚漢堡配蕃薯條
$98
3 瀏覽
0 讚好
0 留言
熊妹其實幾鍾意食鰻魚，又好鍾意食漢堡包，見到Menu有鰻魚漢堡，就當然係不二之選啦。
原條鰻魚🐟份量都唔小，鰻魚汁好濃郁，係燒鰻魚嘅時候已經深入鰻魚入邊，令到鰻魚入邊都滲有鰻魚汁嘅味道，好夠味，肉質又彈牙又腍身，完全冇骨，就咁食第一啖好滋味，食多幾啖就連埋包皮一齊食再中和下味濃，麵包同鰻魚都幾夾，唔一定剩係夾飯黎食，唔怪得可以諗到鰻魚漢堡呢道菜啦。
中間仲有啲黃椒絲、生菜片同蕃茄片，仲有啲碎蛋沙律，可以額外咁樣當沙律咁食。
伴碟係蕃薯條，呢款蕃薯條比較脆口，冇乜蕃薯肉，不過蕃薯味都重嘅，熊妹就比較偏好有淋身蕃薯肉嘅蕃薯條，好似食緊蕃薯咁好好味。
燉牛肋骨飯
$92
12 瀏覽
0 讚好
0 留言
懶懶熊返左成日工又餓又攰，飯桶嘅佢梗係要食返餐主食喇。
燉牛肋骨都有三四大舊，牛肋骨🦴燉得幾淋身，牛味🐮都食得出，咬落啖啖肉又帶有有少少油脂肥膏，啱晒食肉獸嘅懶懶熊，骨入邊都入晒味，選骨就知道。醬汁咁濃味，撈飯食一流！
配菜仲有懶懶熊好鍾意食嘅炆白蘿蔔同紅蘿蔔，炆到好淋，好入味，成碟飯都啱晒懶懶熊口味。
📌整體就係一餐簡簡單單有湯有沙律有主菜嘅晚餐，味道餐廳環境都可以嘅，就係唔包飲品呢一點對食飯一定要飲嘢嘅懶懶熊黎講有點美中不足，唔知飲水算唔算呢？
張貼
