享慢煮意 (已搬遷) 新店位置

上星期晏晝突然被告知有兩小時食晏時間，同事提意不如去遠小小，落上環地區食番個晏晝，於是就去左呢間網絡打卡比較hit既cafe食晏。cafe位於樓梯邊，成個環境真係好放鬆，唔怪得咁多人鐘意黎飲杯coffee，cafe對出都可以坐同飲野，不過我地就簡左入內。可能真係小有名氣既關係，餐廳都坐滿人所以比較逼，但職員都好友善咁安排位置俾得地，等左10分鐘左右就有位。我地分別叫左兩款lunch set，menu係全英既。前菜係一個慢煮蛋，主食係蘑菇意粉。坦白講味道就好一般，意粉味道較淡，分量都比較細。不過睇得出佢地既setting係有放心思落去。慢煮蛋幾特別，但始終又係味道不太出眾。我見網上既人會叫佢既流心牛角包，可惜我地太飽無叫到，可能始終都要叫番出名既野食先最有保障。野飲友人叫左杯雲石咖啡，友人大讚個樣好靚同好飲。黎cafe或者都係飲杯coffee食個包先係最享受