多多吃站-阿媽靚餸 (已結業)

下午茶時間少少餓又口痕，想搵啲無咁高卡既零食，其中一個好選擇就係呢度。墨魚同雞腎本身唔太肥，只要乖乖地走醬，其實又好味又健康。叫左佢既招牌火雞腎同深海大墨魚。火雞腎相對雞腎大片啲，亦相對無咁硬同爽，腍身少少。大墨魚就同外面既差不多。姐姐聽到走醬就問要唔要豉油，所以就要左少少。佢仲有其他鹵味，不過就相對地唔健康了。更值得推介反而係佢每日有靚湯飲。飲過好幾次，係好飲同無口湯既。平時我叫一個紙杯既份量就20蚊，都算扺。不過今日太熱，就放棄了念頭。