滋味廚房

營業中

休息中

話說午飯時間在街上遊蕩，諗緊食乜之際，突然遇上同區工作嘅朋友。諗起曾經話過行遠少少去食咖喱，咁就即興出發。午餐揀咗咖喱牛配印度薄餅，前菜有餐湯或沙律選擇，連餐飲盛惠$75。是日餐湯係南瓜湯，好重胡椒味，有啲辣口，但好醒胃。咖喱牛反而一啲都唔辣，相信辣度應該為港人調節過；牛肉夠稔夠入味，幾好食。印度薄餅熱辣辣，每人有三塊，沾咖喱食簡直Perfect！見佢都有做唔少外賣單，如果唔想坐低食，外賣返去都唔錯呀。