影片
更多
2022-11-11
901 瀏覽
之前見朋友介紹過上環呢間樓上 Café「November+」，據說係沙田京瑞廣場嗰間人氣台式飲品店嘅第三間分店，趁今日嚟開呢頭，專登過嚟食個 lunch。餐廳裝潢很養眼，由牆身以至窗台嘅每一個角落，都放滿了綠色植物和小盆栽，風格清新，加上店內景觀開揚，坐擁無敵大海景，真係令人心矌神怡。我哋每人點左一個午餐，是日健康精選 同 羊肉湯飯，每客套餐都會包是日例湯、沙律或法包同飲品，+$30 更可以配是日蛋糕一件。今日嘅例湯係薯仔湯，湯身暖笠笠，入口濃稠清香，內有粒粒薯仔，用料十足。是日健康精選賣相很吸引，原來選料係會由廚師按當日嘅食材發辦，而呢日我哋就有慢煮雞胸肉、奄列、柚子沙律同烤蕃薯。雞胸肉好滑，一啲都唔嚡。奄列加入了車厘茄、洋蔥和羅勒等烹調，用料新鮮，加上廚師煮理高超，食落每一口都裹滿濃郁蛋香，十分美味。蕃薯嘅味道都唔錯，不但質地綿滑，而且入口甜感細緻。至於另一客羊肉湯，用料亦唔手軟，除左有大量羶香嘅羊肉外，仲有豆卜同娃娃菜。羊肉肉質酥軟，細嫩非常，豆卜索滿了羊肉湯嘅精華，啖啖滋味。跟餐飲品點左鮮奶咖啡 同 薑汁鮮奶茶，咖啡很滑，酸苦味平衡得好好。鮮奶茶嘅茶香亦恰到好處，入口香中帶辛
之前見朋友介紹過上環呢間樓上 Café「November+」，據說係沙田京瑞廣場嗰間人氣台式飲品店嘅第三間分店，趁今日嚟開呢頭，專登過嚟食個 lunch。
餐廳裝潢很養眼，由牆身以至窗台嘅每一個角落，都放滿了綠色植物和小盆栽，風格清新，加上店內景觀開揚，坐擁無敵大海景，真係令人心矌神怡。
我哋每人點左一個午餐，是日健康精選 同 羊肉湯飯，每客套餐都會包是日例湯、沙律或法包同飲品，+$30 更可以配是日蛋糕一件。
今日嘅例湯係薯仔湯，湯身暖笠笠，入口濃稠清香，內有粒粒薯仔，用料十足。
是日健康精選賣相很吸引，原來選料係會由廚師按當日嘅食材發辦，而呢日我哋就有慢煮雞胸肉、奄列、柚子沙律同烤蕃薯。
雞胸肉好滑，一啲都唔嚡。奄列加入了車厘茄、洋蔥和羅勒等烹調，用料新鮮，加上廚師煮理高超，食落每一口都裹滿濃郁蛋香，十分美味。蕃薯嘅味道都唔錯，不但質地綿滑，而且入口甜感細緻。
至於另一客羊肉湯，用料亦唔手軟，除左有大量羶香嘅羊肉外，仲有豆卜同娃娃菜。羊肉肉質酥軟，細嫩非常，豆卜索滿了羊肉湯嘅精華，啖啖滋味。
跟餐飲品點左鮮奶咖啡 同 薑汁鮮奶茶，咖啡很滑，酸苦味平衡得好好。鮮奶茶嘅茶香亦恰到好處，入口香中帶辛，辣中有甜，味道不錯。
是日蛋糕係 Carrot Cake (+$30)，據説係由網店 iloveb_bakery 寄賣，蛋糕加入了玉桂、豆蔻和薑粉炮製，而面頭嘅 topping 就灑上了粒粒合桃，入口滿嘴都係胡蘿蔔絲，既綿密又濕潤，配上輕盈嘅 cream cheese，甜而不膩，為這頓午餐完美作結。
張貼
