Triple King Cafe (已結業)

Triple King Cafe @ 2021年12月 (平日午餐）食物 ❤️❤️❤❤🤍（☕️+正餐） 環境 ❤️❤❤🤍🤍（唔適合hea）服務 ❤️❤️❤🤍🤍（快）攞位 ❤️❤️❤🤍🤍（平均10分鐘左右）交通 ❤️❤❤🤍🤍（上環港鐵站附近）翻兜 ❤️❤❤❤❤難得揾到間位置方便，CP（性價比）高嘅餐廳，所以已經翻兜過呢間餐廳好幾次。試過一次帶子炒意粉（份量比較少），始終都係鍾情於佢哋嘅煎雞扒意粉（勁juicy，皮脆肉滑，又大塊）😋👍🏻行入門口就見到open kitchen煎緊雞扒或者炒緊意粉，即叫即整，上枱時熱辣辣😋😋煎得好有heart。平日煎雞扒午餐$80左右，可以配白飯🍚/意粉/薯蓉/沙律🥗，有黑椒汁/蒜蓉汁/白汁/茄汁揀，仲有西湯同飲品。温馨提示呢個午餐嘅意粉係烚，唔係炒。想食炒意粉要揀其他餐。個湯都ok，份量唔係太多。通常一坐低，未order，就有湯飲。上菜速度快，只要有位，好快可以食完走得。