ZENTRO (已結業)

閒日lunch hour去左位於上環嘅zentro，環境寫意有格調，好適合一班朋友邊食邊傾計。去嘅時候係1:30, 過咗最繁忙嘅時候，而且lunch Menu去到夜晚八點, 對於冇固定食飯時間嘅人來講係一個唔錯嘅選擇。同朋友選擇咗兩個lunch set每個lunch set都有前菜，先講南瓜湯，texture好creamy，香味濃郁，佢嘅沙律菜配埋酸酸甜甜嘅汁就更加醒胃，食完之後更加期待Main dish。1. 安格斯肉眼上菜時已經見到牛扒有炭燒嘅痕跡，配埋金黃色嘅薯條，賣相好吸引。牛扒係用備長炭燒成，食落有陣陣嘅炭香味，而且鮮嫩多汁唔會老。薯條亦都炸得鬆脆香口，配埋沙律菜可以解膩。2. 黑豚扒咖喱蛋包飯豬排好厚切，而且香味十十足，即使炸完都唔會乾身同冇肉食。白飯上面有一層炒蛋，金黃色閃令令嘅色澤令到成個賣相更加吸引。蛋包飯同埋咖喱汁食落都好夾，鍾意咖喱同埋吉列食物嘅朋友可以一試。