影片
更多
2023-12-19
28 瀏覽
一間適合慶祝嘅餐廳❤️呢間由葡萄牙人主理的餐廳，隱藏咗喺上環半山腰，行到入餐廳好似去咗歐洲咁，牆上掛咗好多外國名畫，用人像做櫈嘅設計亦好有趣，係一間第一眼會被佢吸引到嘅餐廳。鱈魚芝士烤薯仔非常鍾意呢道菜，熱辣辣嘅烤薯仔加香濃芝士，𢳂起食到一絲絲嘅鱈魚，平時嘅焗薯都係配肉類比較多，呢道菜用鱈魚製作特別之餘又好食。Half Piri Piri葡萄牙料理之一，即係烤雞，重點係個霹靂霹靂醬（Piri Piri Sauce)酸辣惹味，配肉類一流，有啲似泰式酸辣醬，個醬好食到我用嚟點埋薯條。雞肉唔係嫩滑質地，外皮烤得好香，令人食慾大增。除咗薯條、仲有飯同沙律，份量好大，兩個人食都夠，不得不提沙律嘅醬汁好開胃。喺甜品menu見到千層葡撻即刻心心眼，可惜呢一晚葡撻太受歡迎，想嗌嘅時候已經賣晒。餐廳位於上環普慶坊，平時好少行上嚟，但原來夜晚呢一帶都幾好feel，食完飯仲可以談心拍拖散吓步～Majestic Lisboa 上環普慶坊10-18號普慶閣地下2號舖
一間適合慶祝嘅餐廳❤️呢間由葡萄牙人主理的餐廳，隱藏咗喺上環半山腰，行到入餐廳好似去咗歐洲咁，牆上掛咗好多外國名畫，用人像做櫈嘅設計亦好有趣，係一間第一眼會被佢吸引到嘅餐廳。
鱈魚芝士烤薯仔
非常鍾意呢道菜，熱辣辣嘅烤薯仔加香濃芝士，𢳂起食到一絲絲嘅鱈魚，平時嘅焗薯都係配肉類比較多，呢道菜用鱈魚製作特別之餘又好食。
Half Piri Piri
葡萄牙料理之一，即係烤雞，重點係個霹靂霹靂醬（Piri Piri Sauce)酸辣惹味，配肉類一流，有啲似泰式酸辣醬，個醬好食到我用嚟點埋薯條。雞肉唔係嫩滑質地，外皮烤得好香，令人食慾大增。除咗薯條、仲有飯同沙律，份量好大，兩個人食都夠，不得不提沙律嘅醬汁好開胃。
喺甜品menu見到千層葡撻即刻心心眼，可惜呢一晚葡撻太受歡迎，想嗌嘅時候已經賣晒。
餐廳位於上環普慶坊，平時好少行上嚟，但原來夜晚呢一帶都幾好feel，食完飯仲可以談心拍拖散吓步～
Majestic Lisboa
上環普慶坊10-18號普慶閣地下2號舖
張貼
