無敵家

營業中

休息中

上環出名嘅日本嘢就係無敵家，日本料理都好高質。燒原條明太子明太子本身都有鹹味，師傅用咗瓜嚟中和，味道好balance，點沙律醬都好夾。燒物牛油燒粟米好大舊，牛油味好香。牛脷係厚切，但燒完都鎖到肉汁。雞腎好爽口，調物料都好香口。生蠔煙肉卷好好食，煙肉少少鹹味，再加上蠔嘅汁，口感豐富，又夠味。燒三文魚腩好大舊，啖啖肉，唔洗點lur骨。最好係用咗蘿蔔蓉，一齊食，昇起咗三文魚嘅甜味。燒得啱啱好。羊架師傅鎖到肉汁，而且唔會好臊，唔會好膩，味道啱啱好。肉都偏淋，口感唔錯。地獄辛辣拉麵麵質係我鐘意食嗰隻口感。湯底好有驚喜，真係好辣，有少少似四川嗰隻麻婆肉碎。