西香記 (已結業)

行開上環 見到尼間鋪面唔大但光線好猛 成間以白色為主嘅店鋪視線不知不覺比佢吸引住而我都不知不覺行左入去入到去 裝修嚇左我一跳非常有格調 雖然鋪頭細細 但睇得出裝修比左好多心機佢喺叫左嘢 買埋飛 之後坐底等叫號碼嘅我叫左個孜然肉夾饃同埋大盤雞biangbiang麵仲叫左杯酸梅湯飲 解解渴唔洗五分鐘就叫左我個號碼肉夾饃 餡料少少辣 鹹度適中 非常惹味個饃皮非常非常地脆咬落去啲碎飛到周圍都喺大推大推大盤雞biangbiang麵非常可惜唔喺味道問題 喺食嘅先後次序問題小弟食左個饃之後再食麵條麵痴埋做一嚿 食唔到佢嘅一條麵食左佢嘅一大嚿麵 都好有特式嘅如果大家想食一條麵嘅話 請務必食左個麵再食個饃講返正題 個麵非常有口感可以想像成好粗加比較厚嘅河粉縱使佢變左一嚿 都不減佢嘅特色啲雞不過不失 肉唔老 味都夠整體尼講都唔錯酸梅湯 員工推介話新鮮整嘅雖然我飲落去飲唔到個分別所以就一般嘅酸梅湯啦題外話 去到可以留意下啲小食嘅名有一個睇到應該心裏面會笑左出尼