DK Cuppa Tea (已結業)

嚟度上環呢間DK Cuppa Tea，佢哋係由香薰師所開設，所以佢哋入面有出售多款香薰精油同各種療程，而佢哋嘅裝修風格採用天使，好有療癒嘅感覺。佢哋亦都會用各種草本植物喺食物上面，好似我哋呢次嘅仙子樂園下午茶就係加入咗CBD元素。鹹點：新豬肉牛角包：新豬肉較普通嘅豬肉健康，無咁油膩，對身體負擔較少，同牛角包嘅味道都幾夾，口感亦同普通豬肉無異。蝴蝶飛舞杯(迷你法式三文治及瑪德琳蛋糕）：瑪德琳蛋糕牛油味好香濃，法式三文治入面加咗秘製醬汁，極之好味。甜點 :健康水果乳酪天使杯：入面喺原味嘅乳酪，喺上面鋪左一層雜錦果仁同乾果，增加左口感，味道都變得豐富，亦都非常健康。法國 CBD 朱古力蛋糕：朱古力蛋糕甜度適中，表面鋪滿咗開心果碎，令到朱古力蛋糕嘅口感更豐富，而喺甜點入面加咗CBD，更能放鬆心情。英式鬆餅（配玫瑰醬）：，呢度嘅英式鬆餅做到外皮金黃酥脆，內裡嘅組織蓬鬆，口感獨特，加埋佢哋嘅玫瑰醬就更好，可以為鬆餅增添多一份甜味之餘仲會有一股清新脫俗嘅玫瑰清香。雲雨香茶:CBD 有機菠蘿椰子茶：CBD能達到比較平和安心的神經紓緩效果，所以加埋落味道清新嘅有機菠蘿椰子茶，令到神經紓緩嘅效果更為顯著。