影片
更多
2024-06-18
645 瀏覽
感受法式 fine dining 情懷，坐低就為我地送上 welcome drink - Sparkling Wine，飲一啖已經開始忘記日頭既煩惱，預備心情食呢一餐；無論係服務、氛圍、儀式感、同食物質素都值得推薦嘅一間餐廳 — 位於上環嘅 Bacchus Wine & Restaurant➽Parker House / whipped brown butter餐前麵包係餐廳自家製，鬆軟口感加上用黑蒜頭同日本白鼓油自家調製而成嘅牛油醬，完全感受到餐廳誠意！➽Hamachi / caviar注重儀式感嘅你一定鍾意，由職員企你隔離打開金色小盒子，西班牙鱘魚子x日本油甘魚做配搭；魚肉係以味霖、柚子醋同特製醬汁混合，粒粒魚子醬入口有豐富質感，面層放上紫蘇葉同金箔，視覺效果一流。➽Polmard Beef Tartare / Smoked Pike roe脆感十足嘅外皮包住以味噌蒜同乾蔥整成牛肉他他，再搭配煙燻梭子魚子，鹹鮮味又有他他嘅獨有特式口感。 ➽Jerusalem Artichoke Soup入口啖啖都係香濃”堅果”香，係耶路撒冷雅枝竹製成嘅湯，將炸過嘅雅枝竹脆片放係湯中央，同非常 cr
➽Parker House / whipped brown butter
餐前麵包係餐廳自家製，鬆軟口感加上用黑蒜頭同日本白鼓油自家調製而成嘅牛油醬，完全感受到餐廳誠意！
➽Hamachi / caviar
注重儀式感嘅你一定鍾意，由職員企你隔離打開金色小盒子，西班牙鱘魚子x日本油甘魚做配搭；魚肉係以味霖、柚子醋同特製醬汁混合，粒粒魚子醬入口有豐富質感，面層放上紫蘇葉同金箔，視覺效果一流。
➽Polmard Beef Tartare / Smoked Pike roe
脆感十足嘅外皮包住以味噌蒜同乾蔥整成牛肉他他，再搭配煙燻梭子魚子，鹹鮮味又有他他嘅獨有特式口感。
➽Jerusalem Artichoke Soup
入口啖啖都係香濃”堅果”香，係耶路撒冷雅枝竹製成嘅湯，將炸過嘅雅枝竹脆片放係湯中央，同非常 creamy 嘅湯形成強烈對比。
➽Red Snapper / Tomato/ Basel
以牛油、百里香、蒜等將魚皮煎得脆，令到紅𩶘魚變成到焦脆口感，加上黃色蕃茄清湯和綠色羅勒汁，魚肉撈勻湯汁享用，滿足感大升。
➽Kagoshima pork belly / apple
主菜係慢煮鹿兒島豬腩肉，再煎到微焦，肉質非常細嫩，細嚐油香，伴以薯蓉；而醬汁係蘋果混合豬骨煮成，微微酸甜可以中和油膩感。
➽A4 Miyazaki / Black olive / Yuzu Kosho
選用 A4 宮崎和牛，中間粉紅色肉質，柔軟細膩帶有豐富牛油香，醬汁用上柚子胡椒、黑橄欖同西米煮成，好一個 fusion style，創意十足。
➽Crab / risotto
以日本七星米作為 risotto 飯底，配以龍蝦鰹魚汁煮成，口感略為綿綿唔會太硬身，加入三文魚籽，而龍蝦汁唔會濃郁到死咸，反而仲可以令到鰹魚味都可以浮現出嚟。
➽Petit Four
甜點作結尾，有伯爵茶撻、可麗露、巴西可可豆朱古力以及朱古力xEspresso 曲奇，四小件中以伯爵茶栗子蓉撻最有驚喜， 唔係太甜而且出到茶味，整個 memu 可以話係令人享受一個忘憂嘅晚上。
張貼
