影片
更多
2022-02-12
1714 瀏覽
疫情持續，想食晚餐只能提前一至兩個鐘進行並完成。有日心血來潮，想試吓種草已久嘅上環名物ABC Kitchen，食後果然覺得名不虛傳，每款佳餚都食得出係用心之作❤️餐廳特意鋪上紅白格餐桌布，為晚餐加添了儀式感。俾大家先睹為快，熱辣辣嘅麵包外脆內軟，麵包帶煙韌，配合優質嘅較耐融（較優質嘅牛油唔會咁容易喺失溫融化）牛油，為餐提高胃口作好準備🤗🧀️🍐藍芝士啤梨沙律$98。當日餐廳事前告知將會以啤梨代替無花果，食過藍芝士嘅朋友，都知道芝士味濃同帶有鹹香，配合蔬菜、焦糖合桃同啤梨，濃淡相宜。🍄是日餐湯為蘑菇湯$33。口感綿滑，喺湯面淋上松露油，務求令湯上檯時，食客能夠聞到陣陣松露香氣。🥰香煎鵝肝伴提子醬$138個人覺得西式餐廳嘅鵝肝，正常情況下都唔會難食得去邊，但令我覺得最喜出望外嘅，就係旁邊清甜嘅提子醬，剛好能夠中和鵝肝嘅油膩感👍🏻👏🏼西班牙燒乳豬配薯蓉和酸椰菜$208一般而言，西式燒乳豬效果有時候係會撞手神，或因人而異（廚師手藝）。火候若然控制得唔夠好，燒豬皮就會厚而硬，同中式薄脆燒豬皮嘅效果唔同。帶着半信半疑嘅心態點左，結果令人非常欣喜，豬皮炸得非常香脆透徹，同時能夠保持豬肉嘅水份，而皺皮酸椰菜
俾大家先睹為快，熱辣辣嘅麵包外脆內軟，麵包帶煙韌，配合優質嘅較耐融（較優質嘅牛油唔會咁容易喺失溫融化）牛油，為餐提高胃口作好準備🤗
🧀️🍐藍芝士啤梨沙律$98。當日餐廳事前告知將會以啤梨代替無花果，食過藍芝士嘅朋友，都知道芝士味濃同帶有鹹香，配合蔬菜、焦糖合桃同啤梨，濃淡相宜。
🍄是日餐湯為蘑菇湯$33。口感綿滑，喺湯面淋上松露油，務求令湯上檯時，食客能夠聞到陣陣松露香氣。🥰
香煎鵝肝伴提子醬$138
個人覺得西式餐廳嘅鵝肝，正常情況下都唔會難食得去邊，但令我覺得最喜出望外嘅，就係旁邊清甜嘅提子醬，剛好能夠中和鵝肝嘅油膩感👍🏻👏🏼
西班牙燒乳豬配薯蓉和酸椰菜$208
一般而言，西式燒乳豬效果有時候係會撞手神，或因人而異（廚師手藝）。火候若然控制得唔夠好，燒豬皮就會厚而硬，同中式薄脆燒豬皮嘅效果唔同。帶着半信半疑嘅心態點左，結果令人非常欣喜，豬皮炸得非常香脆透徹，同時能夠保持豬肉嘅水份，而皺皮酸椰菜配搭同幼滑薯蓉梗係非常出色。so yummy!! 🤤
🐦令人驚艷嘅菜式之一，就係呢款法式千層鴿子批$238，絕對屬店內代表菜式！除咗對半切開嘅批之外，廚師精心炮製煙燻鴿腿，控制火候剛剛好，肉質非常鮮嫩。唯一美中不足嘅係只有一邊髀，如果兩邊都比曬就可以同摯愛分享喇🤗😆
同威靈頓牛扒嘅製法相似，法式鴿子千層批喺pastry內用一片椰菜包裹好肉類同內裡蔬菜，能鎖住肉汁之餘，防止油水滲透，影響批皮口感👍🏻
最後甜品為覆盆子疏乎厘$68，以及朱古力心太軟$68。疏乎厘巧妙利用莓子帶微酸嘅特性，獨特嘅香氣同味道避免令食客感到過膩，味道非常清新，優秀！👍🏻👍🏻👍🏻而心太軟不過不失，係熱情果雪糕有驚喜（一開頭見到顏色會以為係標配雲呢拿雪糕🤣🙊）
疫情大家都唔容易，期望香港會更用心炮製食物嘅餐廳都能夠屹立不倒，抵抗疫情嘅洪流，等我哋呢班為食之人能夠長食長有！🤗👏🏼👏🏼💪🏼
張貼
