越蘆越南牛肉粉

營業中

休息中

上環區同朋友做完嘢午飯時間搵嘢食，難度超高，完全要靠朋友帶路去睇吓邊度有機會可以唔使等太耐位就已經好滿足，結果佢帶咗我去食越南嘢，可能時間比較好，所以都唔使等好耐就有位坐，地方同環境都唔錯，附近行過嘅人亦都唔多，當然位置會離開地鐵站稍為遠咗少少，但係仲可以接受嘅。叫咗個餐首先杯話梅鹹桔水份量同味道都唔錯，好醒神。至於主角生牛肉湯粉各方面都幾好，第一樣係好難得啲牛肉都真係半生熟狀態，因為有啲會整到熟晒，有香葉有洋蔥，湯嘅味道亦都幾好，不過個人口味問題，自己都係會加魚露落去啲湯度令到個湯在鮮味啲。