八蠔吧 (已結業)

俾我發現喺上環海味街(文咸西街)入面，有間蠔Bar ，幾Chill 喎，又可以試新嘢❤️一入到餐廳，見到有D明星都過嚟食個飯，果然夠隱世。除佐生蠔，仲有其他熟食👍生蠔上邊仲可以加 toppings 有多款生蠔，任君選擇！我就揀咗澳洲，因為我比較鍾意啱口味小小嘅生蠔。澳洲Boomer bay ，質感爽口，淡淡海水味，creamy!加魚子醬生蠔，味道更加濃郁！加海膽生蠔，更加鮮甜，口感豐富！法式蒜蓉牛油焗田螺好靚呀，田螺充滿牛油蒜香味，薯蓉好食。美國肉眼扒配季節蔬菜肉眼扒好大塊，肉味濃郁，又唔太乾，薯蓉入面加蔬菜，好好味嘅配菜。甜品班蘭蛋糕，充滿斑斕味，仲加咗椰絲喺蛋糕入邊，蛋糕軟綿綿，但都有多重口感，心機之作。