揀得啱車仔麵 (已結業)

喺中上環返工，每一日諗去邊度食飯都係一個挑戰。其實我一路都好想有一間啱我口味嘅車仔麵，咁我就可以成日都去而每日都可以有好多唔同嘅配搭😂前兩日我就同同事去咗試下揀得啱車仔麵。見到佢哋張點菜紙，見到佢哋個面底竟然有生菜呢個選擇。對於成日都怕肥嘅我來講，即刻就揀咗生菜底。至於配料我就揀咗紫菜、魚皮餃、豬大腸、豬軟骨同黑松露雞肉餃。我對每樣配料都非常滿意，特別鍾意豬大腸同黑松露雞肉餃。除咗車仔麵之外，我哋亦都叫咗兩款小食同一個油菜。醉雞翼非常入味，甜甜地，作為小食一流。但係我最鍾意嘅都係佢哋嘅麻辣鴨血。辣到適中，鴨血你想鮮味，芽菜亦都好充足，真係食到停唔到口。揀得啱車仔麵真係一個唔錯嘅午餐選擇，我同同事以後都應該會成日嚟幫襯👍🏻