Kuro Shabu (已結業)

今日嚟咗PMQ附近嘅一間shabu shabu食午餐，兩個人叫咗一人一個set，分別係黑毛和牛特選套餐同黑毛和牛套餐，set會跟白飯同野菜，烏冬就要另外加錢。特選套餐食嘅肉當然會靚啲！油脂分布平均，配上昆布湯可以保留返牛嘅鮮味！另外亦都可以點上芝麻醬或者自家調製嘅醋，同牛又出奇地夾！職員教我地由淡味食到濃味，以免口腔比濃味嘅牛掩蓋！食落每款牛都有入口即溶嘅感覺，最貴果款當然牛味最重，最好食！野菜盆有好多類蔬菜分別有皇帝菜、菇類等，整體都好大份！最後仲有雪糕送，係綠茶口味，可以清一清味蕾，亦都唔會太甜，加埋少少脆脆，口感亦都有提升！椰菜盆有好多類蔬菜分別有皇帝菜、菇類等，整體都好大份！