Sow by Loft 7 (已結業)

今日三個人一齊去呢間餐廳度食晚餐，覺得幾滿足，都想寫下食評為大家介紹下。👍Lobster $98🦞首先就當然要飲下個湯先啦。咁個碟其實又真係大咗啲嘅，我覺得可以細返啲。非常鮮橙色嘅顏色幾靚，飲落去有好香嘅龍蝦味，入面仲有帶子㖭，呢種細滑香濃嘅質感值得一試嘅。Tartare$188🐂主菜方面就嚟返個牛肉。呢度嘅牛肉做成一個肉餅咁樣，中間有舊小蕃茄外型幾特別。旁邊配菜就有脆卜卜嘅薄餅（？）同埋少量嘅沙律。個牛肉食落去非常鮮嫩，配合埋蕃茄新鮮嘅微酸都幾夾。Home $208🦐點解呢度菜叫Home我都唔係好知，可能係因為佢係紅色嘅？anyway佢呢道菜充滿咗蝦肉同蟹肉嘅鮮味。可以見到隻蝦係非常大隻，蟹肉就藏咗喺意粉入面，意粉軟硬度剛剛好，索埋白汁感覺好正。Peking $188🦆北京填鴨都算係幾出名嘅一道菜，但做燴飯就第一次試。鴨肉烤得剛剛好，咬落去充滿肉汁，連埋飯一齊食配合得唔錯。